بسم الله الرحمن الرحيم

الدرس الثامن عشر لسنة 1431هـق

الليلة التاسعة من المحرم الحرام

للشيخ محمد سعيد المنصوري (رحمه الله)

بشبه المصطفى جاءوا قتيلاً		الى خيمِ النسا فعلى العويلُ
وصاحت زييبُ الكبرى بصوتٍ		ودمعٌ من محاجِرِها يسيلُ
لليلى أسرعي هذا عليٌ		شبيهُ المصطفى الهادي قتيلُ
فمذ سَمِعَت بمصرعِه تحنّت		أضالعُها وقد ذاب الغليلُ
غدت تمشي وتعثَر وهي ثكلى		عَراها من مُصيبَتِها الذهولُ
وجاءت تسحبُ الاذيالَ حزناً		وحولَ وحيدِها أخَذَت تجولُ
ووالدُه الحسينُ هوى عليه		وقد أدمت محاسنَهُ النصولُ
يناديه وليسَ به حَراكٌ		بُنيَّ اليومَ فارقنا الرسولُ
على الدنيا العفى يا نور عيني		وبعدكَ غيرَ هذا لا أقولُ

تعناله او عله ابنيه تحسر		او صاح ابصوت منه الصخر ينطر
عله الدنيه العفه بعدك يالاكبر		عگب عينك يريت الكون يعدم
يبويه من عدل راسك او رجليك		او من غمض اعيونك واسبل ايديك
ينور العين كل سيف الوصل ليك		گطع گلبي او لعند احشاي سدر
شالوه الهواشم للصواوين		وهو يمشي او عله ابنه شابح العين
طلعت زينب او باجي النساوين		تِخَمش اخدودها او عالوجه تلطم
هوت فوگه تحب خده اوتشمه		اوغدت تصبغ شعرها ابفيض دمه
عسه ابعيد البله اتگله يعمه		عله التربان نايم يالمشيم
عله الاكبر صحت يحسين ونصار		شباب ابني او عليه بالگلب ونصار
بعد ما ظل لبوك اعوان ونصار		او بيه اگطعت يوم الغاضريه
بُنيَّ بنارِ الحزنِ قلبي يصطلي		عليك وأمسى خالياً منك منزلي
فإنك بدرٌ في المخيم كنت لي		وكنت أراني في زفافك تنجلي

همومي ولكن خيب الدهر مقصدي

 

بسم الله الرحمن الرحيم

گوريز رقم (1)

عزَّ على الزهراء÷ أن تنظر ولدها مقطع الأعضاء على رمضاء كربلاء، وقعت عليه تضمه وتشمه وتقبله قالت: أبه يا رسول الله دعني أخضب وجهي بدم ولدي وهي تنادي ولدي حسين قتلوك وما عرفوك وعن شرب الماء منعوك

يحسين يبني من أرض طيبه تعنيت		مابيك تحچي اوياي وانه الشوفتك جيت
لازم يبو السجاد إلك نعتني او نگصد		او نزور يبني مصرعك بالليل وانرد
ما اگلك اگعد وين تگدر بعد تگعد		وانته بلا راس او بلا چفين ظلّيت
يبني چثيره اجروح جسمك مالها احساب		او جرح الگلب يا نور عيني اعظم اصواب
من فيض نحرك يا وليدي ارد آخذ اخضاب		حتى ايذچرني ابمصابك لو تسلّيت
يا ويل گلبي گامت اتشمه الزهرا		نوب اعلى صدره الرضرضوه او نوب ابنحره
واتگله عيني او صدري او ضلعي او كسره		وإشما جره إنسيته او بمصابك تلهيت
او من مصرعه إتعنت الزهره للشريعه		واتصيح آيبني الچفينه گطيعه
ابطيحتك ظهر احسين يچفيل الوديعه		إكسرته او إلك مثله حنين النيب حنيت