Warning: mktime() expects parameter 6 to be integer, string given in /home/mhasninorg/domains/m-alhassanain.org/public_html/include/Objects/calendar/Calendar.inc.php on line 144
الدرس الثاني والعشرون 1431

بسم الله الرحمن الرحيم

الدرس الثاني والعشرون لسنة 1431 هـ . ق

الليلة الثانية عشرة من المحرم الحرام

لِمن ضعونٌ بأرضِ الطفّ سائرةٌ   تنحو الشئام فليتَ الركبَ لا سارا
وممن النسوةُ اللاتي يُسارُ بها   تَخالَهنّ على الأقتابِ أقمارا
على هزالِ المطايا لا رحالَ لها   تشكو أذى السيرِ اخفاءاً وإجهارا
حَواسراً سلبَ الأعدا براقعِها   وابتزّها القومُ أقراطاً وأطمارا
لم انسَ زينبَ إذ قالت مودعةً   والحزنُ بادٍ ودمعُ العينِ قد فارا
هلاّ تمرّونَ بالقتلى نودّعُهم   ونَقضي من تَرِبِ الخدّين أوطارا
 

مروا عله ابن امي / فوگ الثره مرمي / ونادوا بني عمي / خلهم يحضرونه
مروا عله العطشان / فوگ الترب عريان / ونادوا بني عدنان / خلهم يشيعونه
مروا عله العباس / مرمي وگطيع الراس / يمه العلم والطاس / والسهم بعيونه
مروا عله الأكبر / فوگ الثره امطبر / ونادوا بني حيدر / خلهم يشيلونه
مروا عله القاسم / فوگ الترب نايم / ونادو بني هاشم / خلهم يجهزونه

 

ودعتك الله ياعيوني   يردون عنك ياخذوني
اوزجر او خوله اليباروني   نخيت اخوتي او ما جاوبوني
يهل الحمية ما تجوني   وامن ايد الاعادي اتخلصوني
 
يخويه الشمر والله هضمني   ضربني عله امتوني او شتمني
 

اولا انكسر گلبه او لارحمني

 

اعيوني امن الدمع غارن وعمات   المصايب صوبت روحي وعمات
الك أيتام يالغايب وعمات   عله الاكوار اخذوها سبيه
 
جرتِ المدامعُ يومَ شمرٌ شمّرا   عن ساعديهِ ومتنَ زينبَ كسّرا
صرخت ونادت والكفيلُ على الثرى   أنعِم جواباً يا حسينُ أما ترى
 

شِمرَ الخنا بالسوطِ ألّمَ أضلُعي

من طاح ابو اليمه / او هجموا عله اخيمه / زينب لفت يمه / والحرم واسكينه
صارت عليه داره / ايجلبن بكتاره / والدمع يتجاره / او ونن عله اونينه
طاحت عليه وحده / اتجلب جرح كبده / او وحده تشم خده / او وحده تحب عينه
وحده تشم نحره / او تجري الدمع عبره / او وحده تجس صدره / شافته امهشمينه
وحده تون واتنوح / اتگله ابدمع مسفوح / لاوين گلي انروح / عگبك يوالينه
او زينب ابياحاله / ادّافع ابچتاله / خليه لعياله / لا تگطع اوتينه
ياشمر خله الحين / لعويله الماشين / يا شمر عگب احسين / ياهو اليبارينه

بسم الله الرحمن الرحيم

القصيدة للملا عطية الجمري

خليت دمعي فوق خدي يالاخو سايل   من يسرج الميمون من بعدك يبو فاضل
 

عباس يا خويه

* * *

بعدك ينور العين من يسرج الميموني   بين العدا مفرود نيتكم تخلوني
 

عباس يا خويه

* * *

شال السبط راسه ابحسره وحطه ابحجره   او شاله ابو فاضل اورده ابحرة الغبرا
 

عباس يا خويه

* * *

اشمالك يخويه شلت راسك من وسط حجري   امصابك شجاني وذوب افادي وكسر ظهري
 

عباس يا خويه

* * *

ايقله يخويه اشلون اخلي راسي ابحجرك   وانت بعد ساعه الشمر يجلس على صدرك
 

عباس يا خويه

* * *

ايقله افجعتني ابنومتك يا سيفي المشهور   ظهري عقب عينك يبو فاضل ترى مكسور
 

عباس يا خويه

* * *

بعدك البيرق من يشيله يا عزيز الروح   ياهو عقب عينك يسلي زينب امن النوح
 

عباس يا خويه

* * *

لو سايلت عنك المحزونه شقول الها   مقدر اخبرها على التربان كافلها
 

عباس يا خويه

* * *

وعباس يتقلب على الرمضى ويجرونه   وغمظ اعيونه واسبل ايده وراح للجنه
 

عباس يا خويه

* * *

بعدك على الدنيا العفا

من قطع اوصالك ابسيفه يا علي يا بني   بعدك على الدنيا العفا فرقاك شيبني
اكبر ينور العين   يمعفر الخدين
 

* * *

شيبتني يبني وخليت القلب مفطور   من عمك العباس ظهري ياعلي مكسور
اكبر ينور العين   يمعفر الخدين
 

* * *

يبني شقول العمتك لو سايلت عنك   وليلى الحزينه ترتجي ما آيست منك
اكبر ينور العين   يمعفر الخدين
 

* * *

مقدر اقول الهم علي مطروح بالرمضا   العدوان جسمه امقطعينه امرضض الاعضا
اكبر ينور العين   يمعفر الخدين
 

* * *

جابه الخيمه ودمعته تجري على اخدوده   ويصيح رحتو يا ارجالي اولالكم عوده
اكبر ينور العين   يمعفر الخدين